13th Feb 2013 New Karachi Town News & Picture
نیوکراچی ٹاؤ ن کے سیوریج سسٹم کو ہر قسم کی رکاوٹ سے پاک کیا جائے :آفاق سعید
بہترین ٹاؤن انتظامیہ وہ ہے جو شہریوں کو صاف ستھرا اور آلودگی سے پاک ماحول مہیا کرے۔
مورخہ: ۱۳ /فروری۲۰۱۳ ء
کراچی( ) ایڈمنسٹریٹر نیو کراچی ٹاؤن آفاق سعید نے کہا کہ مالی وسائل کی کمی کے باوجود عوام کو بلدیاتی سہولتوں کی فراہمی بلا تعطل جاری رکھے ہوئے ہیں ان خیالات کا اظہار انھوں نے سیکٹر 5-Lنارتھ کراچی میں سڑک کی تعمیر سے قبل ڈالی جانے والی 12''سیوریج لائن کی تنصیب کے کام کا معائنہ کرتے ہوئے کیا ۔آفاق سعید نے کہا کہ ٹاؤن میں سیوریج سسٹم کی بحالی کے لئے مثالی اقدامات کر رہے ہیں انھوں نے کہا کہ سب سے پہلے ''صحت ''کے اصول پر کاربند رہتے ہوئے نیو کراچی ٹاؤن کو آلودگی سے پاک صحت مند ماحول فراہم کرنے کے لئے اپنے تمام وسائل برؤکار لارہے ہیں انھوں ٹاؤن کے مختلف علاقوں میں سیوریج لائینوں کی صورتحال کا معائنہ بھی کیا اس موقع پر انھوں نے بلڈنگ و روڈاور سینی ٹیشن ڈپارٹمنٹ کے افسران کو ہدایت کی ہے کہ ٹاؤن کو صاف و شفاف رکھنے کے لئے سیوریج سسٹم میں حا ئل تمام رکاوٹوں کوفوری طور پر دور کیا جائے اور کسی بھی علاقے میں سیوریج لائن میں لیکج کی شکایت کو بلا تاخیر مرمت کی جائے۔ انھوں نے مزید کہاکہ نیوکراچی ٹاؤن کو بہترین ٹاؤن بنانے کے لئے صفائی ستھرائی کے نظام کو بہتر بنانا انتہائی ضروری ہے اور یہ اُسی وقت ممکن ہے کہ جب ٹاؤن کا سیوریج سسٹم اور نکاسئی آب کے نالے صحیح طور پر کام کررہے ہوں ، اگر نکاسئی آب کا نظام درست نہ ہو تو رہائشی علاقے تعفن کا شکا ر ہوجائیں اور گندگی کے ڈھیر نظر آنے لگیں گے جو نہ صرف ٹاؤن کے لئے بدنامی کا سبب ہونگے بلکہ مختلف بیماریوں کے پھیلنے کا سبب بھی بنے گے ، اس لئے بہتر یہی ہے کہ نیوکراچی ٹاؤن میں نکاسئی آب اور سیوریج سسٹم کو کسی بھی طور خراب نہ ہونے دیا جائے ۔۔ اس موقع پر انکے ہمراہ ٹی او (آئی ایس ) اقبال احمد خان ، ڈی ٹی او ( سینی ٹیشن ) حسام جلالی ، ڈی ٹی او ( بی اینڈ آر) نازش رضا اور ڈی ٹی او انفارمیشن عالمگیر سیفی بھی موجود تھے۔ آفاق سعید نے کہا کہ بہترین شہری وہ ہوتے ہیں کہ جن کے گھر اور محلے صاف رہتے ہیں اور بہترین ٹاؤن انتظامیہ وہ ہے کہ جو اپنے ٹاؤن کو صاف رکھے اور ٹاؤن کے باسیوں کو صاف ستھر ا اور آلودگی سے پاک ماحول مہیاکرے ، نیوکراچی ٹاؤن ایڈمنسٹریشن اسی نظریہ کے تحت دن رات مصروفِ عمل ہے ۔انہوں نے عوام سے اپیل کی کہ نیوکراچی کو صاف شفاف بنانے میں ٹاؤن انتظامیہ کے ساتھ بھر پور تعاون کا مظاہرہ کریں ۔واضح رہے کے ٹاؤن ایڈمنسٹریٹر آفاق سعید نے نیوکراچی ٹاؤن کو صاف شفاف ٹاؤن بنانے کے لئے ہر قابلِ عمل قدم اُٹھانے کا ارادہ رکھتے ہیں جس کے لئے وہ وقتاًفوقتاً ٹاؤن کے مختلف علاقوں کا دورہ کرکے مسائل کے بارے میں براہ راست معلومات حاصل کرتے ہیں اور عوام سے بہ نفس نفیس ملاقات کرکے اُنکی مشکلات معلوم کرکے اُنکے حل کے لئے فوری احکامات جاری کرتے ہیں تاکہ نیوکراچی کو مسائل سے پاک کیاجاسکے۔ انہوں نے متعلقہ ڈپارٹمنٹ کو مذکورہ ہدف حاصل کرنے کے لئے تندہی اور ذمہ داری سے فرائض انجام دینے کی ہدایت کی
No comments:
Post a Comment
Note: only a member of this blog may post a comment.